نكت قوية جدا

غبي سمع بخطف الطائرات راح خطف قطار - الرياض الدمام - وقال للسواق اطلع جده


فيه واحد كريم احترق بيته جو الإطفاء يطفون البيت ... قال لهم والله ما تسوون شي لين تقهوون


واحد غبي قاله الدكتور رح سو إشاعة .. طلع بالسيب قال يا ناس يا هوه صدام دخل الشرقية !!!


ديك قال:للدجاجة ليش يأخذون البيض وأنتي ساكتة .قالت: له الدجاجة اسكت ..أحسن من اللي يأذن ولا يصلي



واحد نذل سألوه ودك أبوك يموت وتورثه ؟ قال ودي يصدم عشان اخذ الدية وارثه !


فيه نذل فتح محل تموينات كتب على البيبسي ( رجه جيدا قبل الاستعمال ) !!




قزم راح يفصل ثوب ، سأل الخياط قاله: متى يطلع الثوب ؟؟؟؟ قاله: خذ لفه وتعال !!



فيه محششين طبخوا مندي تعشوا نواشف ليه ؟

- ضيعوا حفرة المندي !!!!!!!




عشرة عرابجة يتمازحون ماتوا أربعة قالوا الباقين :خلاص عاد لا تنقلب جد !!!!


فيه واحد يصلي بخشوع وفيه اثنين جالسين يمدحون فيه وفي صلاته قام وقطع صلاته وقال لا وصايم بعد !


نذل يوزع سمبوسة عند الحرم....ليه ؟

- لحم حاشي ( جمل ) !!!!!


فيه ناقه وبعرصي تزوجوا….. جابوا جمل يمشي على الجدار


فيه سكران بلغ الشرطة عن سبعين سيارة منقلبة جت الشرطة ولقوه سكران في تشليح !!!


فيه محشش ماسك الدجاجة اللي عنده ويطقها ويقول: كل يوووم بيض مااافيه جبن !!!!!


قراوى يتفرجون على كابتن ماجد، يوم فاز بالكأس طلعوا للدائري !!!!


فيه عجوز ناداها رجلها يا حصة يا حصة 00نزلت تركض على الدرج وطاحت وتكرفست على وجها قدام رجلها 00تفشلت 00وقامت قالت حلوه الحركة يا أبو صالح


في ثلاث صقور أمريكي وفارسي و قروي طار الأمريكي نص ساعة ورجع وعلى منقاره دم قالوا الصقرين: وين كنت قال أبد تشوفون ذاك الجبل ، قالوا: إيه ، قال: شفت وراه بقرة صدتها وكلتها. طار الصقر الفارسي نص ساعة ورجع وعلى منقاره دم قالوا له وين رحت قال ابد شفتوا البيت اللي هناك قالوا إيه قال شفت وراه خروف صدته وكلته وجيت . طار الصقر القروي وجلس 3 ساعات ورجع وكله دم قالوا له وين رحت قال ابد شفتوا ذاك العامود اللي هناك قالوا له إيه قال أنا ماشفته !!!!!!!!


فيه واحد ما يعرف يقول سبعة، دخل على راعي البقالة وقال له: عطني أربعة بيبسي وثلاثة بيبسي !!!!


فيه حفرة في قرية قراوى .. دايم يطيح فيها الناس ويتأذون !! فاجتمع مجلس القرية علشان يدورون حل.. الأول اقترح انهم يحطون عربة إسعاف عند الحفرة ..الثاني اقترح انهم يبنون مستشفى عند الحفرة .. الثالث وهو الحكيم حقهم قال لا .. ادفنوا الحفرة واحفروا حفرة عند المستشفى !!!!!!!


فيه ذباب دخل غرفه شباب محششين و آخر الليل قاموا الشباب يحششون وصكوا الباب انحشر الذباب وقال اجلس إلين يفتحون الباب وبعد ما شفطوا ست سجاير نزل عليهم الذباب مسفح يقول: جاااااااكم الصقر !!!!!!!!!!!!!!


فيه عجز يلعبن ورقة تهاوشن على الشايب !!!


ثلاثة أشخاص في المستشفى ينتظرون زوجاتهم يولدوا ..طلعت الممرضة على الأول قالت له مبروك جا لك توأم قال يا محاسن الصدف أنا اشتغل في شركة تو أم ..بعد شوي طلعت الممرضة وقالت للشخص الثاني مبروك جا لك ثلاثة توائم قال والله خبر ظريف لأني اشتغل في شركة ثري أم .. الشخص الثالث قام جري .. سألوه على فين يا أبو الشباب قال أنا طالع اقدم استقالتي لأني مدير مصنع سفن _أب !!!!!!!!!!


فيه نملة تركض ويلحقونها عشر نملات .. ليه ؟ مسجلة هدف !!


كان فيه واحد غبي مره دخل للعسكرية المهم لما وصل للتدريب الميداني سأله القائد : إذا جتك دبابة ومعك قنبلة إيش تسوي ؟ قال الغبي : أرمي القنبلة رد القائد وسأله : و إذا كانت دبابتين ؟ قال الغبي : أرمي قنبلتين قال القائد : وإذا ثلاث ؟ قال الغبي : أرمي ثلاث قنابل قال القائد : وإذا أربع دبابات ؟ رد الغبي وهو زعلان : " لعنبو ذا الجيش اللي ما فيه إلا أنا " !!!


ثلاثة محششين هاربين من الشرطة دخلوا مزرعة و تغبوا في ثلاثة أكياس جاء الشرطي وشاف الأكياس، وشات الكيس الأول قام اللي فيه يصيح :واق…واق ( يقلد البط ) تركه الشرطي وراح للكيس الثاني وشاته قام اللي فيه وقال كوكو…كوكو ( يقلد الديك ) تركه الضابط وراح للثالث وشات الكيس واللي فيه ساكت ما يتكلم !! استغرب الضابط وقام يشوت بقوة مرة ثانية وثالثة وما في صوت وفي الأخير عصب الشرطي وشاته بأقوى ما عنده طلع المحشش يصيح: يقطع شكلك !! بطاطس وش تبيني أقول !!!!!


في قروي حب يعمل مفاجأة لزوجته طلقها!!


قروية شرا لها زوجها جوال .. المهم ذاك اليوم راحت لليرومارشية الصباح وكلمها هو من الشغل وقال لها "ها يا حبيبتي وش رأيك في الجوال" قالت "يهبل .. بس وش دراك إني في اليرومارشية ؟؟"


قروي راح للسوق واشترى ترمس بعد ما قاله البياع : تراه يخلي الحار حار والبارد بارد ولما راح لأصدقائه القراوى سألوه : إيش هذا ؟ قال: هذا ترمس يخلي الحار حار والبارد بارد سألوه إيش حاط فيه ؟ رد : 2 كوب شاي وواحد بيبسي


خكري يصب القهوة لضيوف أبوه .. جاء وصب القهوة لرجال وناولها إياه باليسار.. جاء الرجال قال "يسراك ما تشناك" الخكري يحسب الرجال يمزح معاه قام فك كشرته وقال "طيب تقدر تقول خشبة الحبس حبست خمس خشبات وخشبة ؟ "


في واحد نام في السطح حس بالبرد سكر باب السطح


فيه قروي جاه ولدين سمى الأول محمد والثاني عبده ليه؟ علشان يسمونه أبو نوره


فيه عجوز وصل عمرها 120 قالت تيت تيت تيت


فيه واحد قروي طاح في بير رموا عليه الحبل وجروه يوم طلع فوق إلا هو ميت الأخ كان رابط الحبل في رقبته



في مستشفى المجانين يسوون اختبار لهم وسألوا واحد كم خمسه في ستة قال "825 "وسألوا الثاني نفس السؤال قال: " الجمعة " وسألوا الثالث قال: " ثلاثين " وسألوه كيف عرفت قال:" بسيطة طرحت 825 من الجمعة وطلعت ثلاثين "!!!!!!



هذا عالم قروي .. كان يجري تجارب على ضفدع .. كان إذا صفق نقز الضفدع .. قام القروي وقطع رجل من رجول الضفدع .. وصفق .. برضه نقز الضفدع .. قام وقطع رجله الثانية ..وصفق .. الضفدع المسكين عجز ينقز.. قام القروي.. وكتب نتيجة التجربة.. " عندما نقطع رجول الضفدع يفقد حاسة السمع "



فيه طيارة .. طاحت في الصحراء وما نجا منها إلا ثلاثة .. أمريكي وياباني وقروي ....المهم بغوا يموتون من العطش .. لين لقوا ذاك المصباح السحري .. ويفركونه ويطلع لهم جني .. وقال لهم "شبيكم لبيكم عبدكم بين ايديكم .. راح ألبي لكل واحد منكم أمنية وحدة " .. الأمريكي قال "ودني أمريكا" .. وبلحظة عين وداه أمريكا .. الياباني قال "ودني اليابان " وبلحظة عين وداه اليابان.. القروي قام يتلفت وقال "وش دعوة.. خليتوني لحالي ؟!! جبهم لي ".



يقولك فيه دكتور جاره قروي ……وعاد القروي يتلزق بالدكتور وكل يوم يسلم عليه والدكتور يرد من تحت خشمه ……..بعد فتره جا القروي للدكتور وقاله يادكتور تدري إني هالمرة احسن منك رد الدكتور من تحت خشمه خير بأي شي قال له القروي آنا جاري دكتور وأنت يا حسرة جارك قروي !!!!!!!!!!



يقولك في قروي سافر لأمريكا ورجع .. عاد قاعد يسولف مع امه وابوه.. ويقولهم "هناك شفت واحد طب من فوق عمارة طويييلة.. قعد ثلاث أيام لين وصل الأرض".. عاد أمه سألته " طيب مات ؟؟ " .. جا الأبو يستذكي قال " ثلاث أيام لا يأكل ولا يشرب .. أكيد يموت ". !!!!!!!!!


فيه واحد طاح في بير وقعد ينادي وفجأة مر واحد قروي وقاله خير وش تبي قال: تكفى أنقذني قاله طيب بس بروح البيت أجيب حبل ..........بس لا تروح حتى أجي



فيه واحد محشش نزل مره بالليل وهو منتهي لقى جاره شاري سياره جيب دفع رباعي مكتوب عليها 4X4 قام أخونا وبالسكروب حك السيارة وكتب =16 جا راعي السيارة الصبح شافها وانقهر قام وداها للورشة وزين البوية .......قام أخونا المحشش من الليلة الثانية وكتب نفس العبارة وبعد راعي السيارة سوي نفس الشي ......واستمر فتره ......آخر شي قام راعي السيارة وبخط جميل كتب 4X4=16 عشان يرتاح من المحشش .......بالليل جا المحشش وشاف السيارة وقرا الكلام .......قام بالسكروب كتب علامة صح ومشي !!!



واحد يمشي جنب سور.. وسمع ناس في البيت خلف السور يعدون " ثلاثطعش .... ثلاثطعش ... ثلاثطعش" .. الرجال صار عنده قرادة لا تطاق .. قام وناظر من فتحة في السور وما درا إلا إصبع يبخق عينه وبعدها سمع اللي داخل البيت يعدون " اربعطعش .. اربعطعش .. اربعطعش.."



قروي تزوج مدرسة لغة إنجليزية يوم صحو الصبح قالت "صباح الخير يا زوجي العزيز" قال "يلعن أبو الانقلينزي"



فيه حواطى صاموا خمس وعشرين يوم .... لان التوت خلص !!!!



فيه حواطى في الرياض لابسين حرامات قالوا لهم ليش......... قالوا بنروح أسواق مكة !!