موت الاحاسيس

لاقلت لك مشغول مانيب فاضي
زين احترمتك يومني قلت مشغول
والا لو اني عنك مانيب راضي
ما ارد لك لوتضرب العرض بالطول
لك مافرضت وما عليك افتراضي
لك صدتن تحسب ولي وصل مقتول
تجني على وقتي وبالحكم قاضي
والشعر نقض امرار وامرار مفتول
مره يسوقك فوق لون البياضي
ومره يجيب الوان في لمعة اللوول
وياكثر مايسلك طريق التغاضي
اللي يخلي للتبسام مفعول
مثل العيون اللي ابت من غماضي
لين اقبل اللي دق ويقول ويقول
من جيت له بحساس ماهوب فاضي
تراه عن موت الاحاسيس مسئول